Kawirduhan Ko

Naniniwala ba kayo na may taong "weird",wirdo o kakaiba? Bawat tao sa mundo ay may kanya kanyang katangian.Sa talino,sa itsura,sa kakayahan at marami pang iba.Kaya nga madami ang napapabilang sa Pinoy Records o sa Guiness Book of Records.Marami rin na fifeature sa telebisyon sa pagiging kakaiba nila.Ako kaya mafeature sa telebisyon pag naibahagi ko kung ano kakaiba saken?


Pinaglihe ako ng Mommy ko(Mommy Sosyal!) sa alimango.Sa dinami dami ng mapaglilihian ay dun pa.Nung araw na ako'y ilalabas na sa mundo ng aking ina ay sobra ang takot nya dahil madami daw ng parte ng tyan nya ako sumisipa.Natatakot sya baka daw ang itsura ko ay kagaya ng sa alimango na maraming galamay.Nang mailabas na ako agad tinanong ng aking ina kung ano daw itsura ko.Ilan daw ang kamay at paa ko.Sinabi ng nurse na normal daw ako.Malusog at napaka cute.(wahahaha!normal pala ako?abnormal lang isip).Agad nakahinga ng malalim ang aking ina sa binalita ng nurse.


Lumaki ako ng normal na gaya ng sa ibang bata.Ngunit nung ako ay 5 taong gulang na,sa tuwing ako'y galing sa paaralan ay agad akong nagtutungo sa paliguan at nagbabasa ng paa.Lage ako nagtatampisaw sa tubig.Gusto ko lageng basa ang paa ko ng parang sa alimango.Sa tuwing matutuyo ang paa ko agad akong nagbabasa ulet ng paa.Laging ganun ang gawain ko kaya madalas ako makagalitan ng magulang ko.


Lumaki ako na yun ang gawain ko.Dahil sa lage ako nakakagalitan,umisip ako ng paraan para lageng basa at madulas ang paa ko ng di ako nagbabasa ng tubig sa paa.(o di ba sa murang isip ko nakapag isip nako ng kataranta**han).Kung anu ano ang nilalagay ko sa paa ko para maging basa.Vicks,baby oil at maging mantika na pinagprituhan ng isda pinatos ko.(nakakatawa talaga!).Madalas akong magpunta ng kusina at patagong isinasawsaw ang kamay ko sa kawaling may mantika at agad itong ipapahid sa aking paa.Lage naman ako nahuhuli ng ate ko kaya lage akong pinagtatawanan.


Dahil sa gusto kong laging basa ang paa ko,pati sa pagtulog ko ay kasama ko ang tsinelas ko.Dun kasi nakakapit ang mantika at dulas.pakiramdam ko lage basa paa ko kaya di ako makakatulog pag walang suot na tsinelas kasi madali matuyo ang paa ko.


Napansin yun ng aking ina.Tinatanggal nya lage ang tsinelas ko pag ako'y nakakatulog na pero magugulat nalang sya paggising nya at pagtingin sa paa ko nakasuot nanaman ang tsinelas ko.


Madalas ko pa kumutan ang buong paa ko para di makita ng Mommy ko na nakasuot ako ng tsinelas.Hinayaan nalang ako ng Mommy ko hanggang sa paglaki ko.Noong ako ay tumuntong na ng High School,naiwasan ko na ang pagsusuot ng tsinelas habang natutulog pero ang paglalagay na madulas at basa sa paa ko hanggang ngayon ay ginagawa ko pa rin.


Nakakahiya kasi dalaga nako pero ganun pa rin ako.Di ko na talaga naalis yun pero sosyal nako ngayon.Lotion at petroleum jelly na nilalagay ko.Nakakahiya na nakakatawa ang pagiging wirdo o kakaiba ko.Kayo anung kakaiba sa inyo?